Eddie Nketiah, leikmaður Arsenal, mun taka út þriggja leikja bann eftir rautt spjald í vikunni.
Þetta var staðfest í gær en Nketiah fékk beint rautt spjald fyrir brot á James Justin í 1-1 jafntefli við Leicester.
Arsenal var ekki ánægt með dómgæslu Chris Kavanagh og ákvað að áfrýja spjaldinu.
Enska knattspyrnusambandið fór yfir atvikið í gær og komst að þeirri niðurstöðu að dómurinn hafi verið réttur.
Nketiah er 21 árs gamall en hann var aðeins á vellinum í örfáar sekúndur í jafnteflinu.