Arsenal er búið að áfrýja rauða spjaldinu sem Eddie Nketiah fékk gegn Leicester á þriðjudag.
Nketiah kom inná sem varamaður í seinni hálfleik en entist í aðeins fjórar mínútur á vellinum.
Nketiah fór með fótinn ansi hátt í leikmann Leicester og fékk rautt spjald frá Christopher Kavanagh.
Mikel Arteta, stjóri Arsenal, kvartaði eftir leikinn og sagðist ekki skilja reglurnar lengur.
Enska sambandið mun fara yfir áfrýjun Arsenal en annars fer leikmaðurinn í þriggja eða fjögurra leikja bann.
