Chelsea er að fæða leikmenn sína með því að setja máltíðir út í bíla leikmanna á meðan þeir eru á æfingum. Vegna kórónuveirunnar geta leikmenn ekki farið inn í búningsklefa og farið að snæða saman.

Leikmenn mæta klæddir á æfingar og fara svo beint heim, Chelsea vill að leikmenn borði rétt og hafa því ákveðið að skella matarbakka í bíla leikmanna.

Leikmenn sleppa því að læsa bílunum og kokkurinn skellir matnum inn og leikmaðurinn getur borðað þegar hann kemur heim.

Chelsea telur að þetta sé góð leið til að tryggja að leikmenn verði í formi þegar enski boltinn fer af stað 17 júní.

Frank Lampard og lærisveinar hans eru að berjast við að halda Meistaradeildarsætinu þegar níu umferðir eru eftir.