Leikmenn í ensku úrvalsdeildinni hafna því að taka á sig launalækkun, þrátt fyrir kröfu þess efnis frá félögum í deildinni.

Málið kom upp um helgina og var krafa lögð fram á að leikmenn myndu lækka laun sín um 30 prósent, í tólf mánuði. Þessu hafna leikmenn.

Viðræður áttu sér stað á laugardag sem báru engan árangur, þær hafa haldið áfram í vikunni og hefur Jordan Henderson, fyrirliði Liveprool farið fyrir hópnum.

Leikmenn hafna því að taka launalækkun en eru tilbúnir að lækka laun sín tímabundið, með þá tryggingu að fá þær upphæðir til baka þegar ástandið gengur til baka.

Í enskum blöðum segir að mikil samstaða sé í hópnum, leikmenn ætli ekki að láta yfir sig ganga og munu láta hart mæta hörðu.