Fyrsta tímabil Eden Hazard í Real Madrid hefur verið ansi erfitt, hann hefur verið mikið meiddur og er nú á sjúkralistanum.

Hazard er nú með brot í beini, sem er í ökkla og verður fjarverandi næstu vikur. Hann var að stíga upp úr meiðslum þegar brotnaði upp úr beininu.

,,Hann elskar að spila fótbolta og ég sé í augum hans að hann er óhamingjusamur þegar hann getur það ekki,“ sagði Zinedine Zidane um fjarveru Hazard.

,,Það er mikilvægt að hann haldi í gleðina, þetta er auðvitað erfitt. Hann verður frá í talsverðan tíma.“

,,Ég veit ekki hvort hann þarf að fara í aðgerð, ég þekki þetta svæði ekki nógu vel. Ég vona að hann spili meira í ár.“