Goðsögnin Atli Guðnason hefur skrifað undir nýjan samning við lið FH í Pepsi Max-deildinni.
Þetta staðfesti félagið í kvöld en Atli gerir samning sem gildir út næsta tímabil.
Þessi 35 ára gamli leikmaður hefur unnið ófáa titla með FH og á að baki yfir 360 leiki fyrir félagið.
Í þeim hefur hann skorað 91 mark en undanfarin tímabil hefur hann verið í minna hlutverki.
Það eru þó gleðifréttir fyrir FH að halda Atla sem býr yfir gríðarlegri reynslu í efstu deild.
