Jose Mourinho, stjóri Tottenham, fékk gult spjald í gær er hans menn mættu Southampton.

Southampton vann góðan 1-0 heimasigur á Tottenham en eina mark leiksins skoraði Danny Ings.

Mourinho er þekktur fyrir að vera litríkur en hann fór yfir á svæði Southampton á hliðarlínunni í gær.

Þar skoðaði Mourinho það sem einn af þjálfurum Southampton var að skrifa í bókina sína og hefur væntanlega séð aðeins hvernig leikskipulag heimamanna var.

,,Ég átti spjaldið skilið því ég var dónalegur. Ég var þó dónalegur við hálfvita,“ sagði Mourinho um atvikið í gær.

Gamli góði Mourinho er mættur!