Andre Onana, markvörður Ajax, segir að hann sé enn að spila með liðinu því hann sé dökkur á hörund.
Onana hefur verið frábær með Ajax undanfarin ár og er reglulega orðaður við önnur félög.
Umboðsmaður hans ræddi við félag árið 2017 en það félag hætti við kaup því Onana er svartur.
,,Ég hef tekið eftir því að það er ekki auðvelt fyrir svartan markvörð að komast lengra,“ sagði Onana.
,,Á mínu fyrsta ári þá komst Ajax í úrslit Evrópudeildarinnar. Eftir leikinn ræddi umboðsmaður minn við félag en það félag hætti við því að það var erfitt fyrir stuðningsmenn þeirra að taka við svörtum markverði.“
,,Það tengdist ekkert hvort ég væri nógu góður eða ekki. Ég tók þessu sem hrósi.“
