Emil Hallfreðsson kom við sögu í leik Íslands og Moldóva í kvöld í undankeppni EM.
Ísland vann öruggan 3-0 heimasigur og er nú með 12 stig eftir fyrstu fimm leikina.
,,Þetta gekk nokkuð vel upp miðað við hvernig við ræddum þetta fyrir leikinn. Við ætluðum að taka þrjú stig og það tókst vel og ég held að við séum sáttir,“ sagði Emil.
,,Við byrjum svolítið hægt en svo setjum við í næsta gír og gerðum það sem þurfti til að ná sigri.“
,,Ég var alltaf að búast við hörkuleik en ef við eigum góðan leik þá eigum við að taka þrjú stig.“
