Kelvin Maynard, fyrrum leikmaður Burton á Englandi var skotinn til bana í Amsterdam í gær. Tveir menn á bifhjólum eltu Maynard og skutu hann til bana.
Maynard var að keyra um í Langbroekdreef þegar bifhjólin fóru að elta hann, hann reyndi að koma sér burt en það tókst ekki.
Maynard er 32 ára gamall hollenskur knattspyrnumaður. ,,Við getum staðfest að fórnarlambið úr skotárásinni var Kelvin Maynard, 32 ára,“ sagði hollenska lögreglan.
Maynard reyndi að flýja af vettvangi en hann endaði á að keyra á byggingu eftir að hafa orðið fyrir skotárás.
Maynard gekk í raðir Burton árið 2014 en hann lék einnig með FC Volendam, Olhanense, Kecskemet, FC Emmen, Royal Antwerp, SV Spakenburg og Quick Boys.
