Samkvæmt enskum blöðum hefur Ole Gunnar Solskjær, stjóri Manchester United fundað með Jesse Lingard og Marcus Rashford. Hann vill sjá kappana einbeita sér meira að fótbolta.
Solskjær hefur áhyggjur af því að einbeiting þeirra sé meira utan vallar en innan hans.
Lingard og Rashford eru bestu vinir en Lingard er með fatamerki sem hefur náð vinsældum. J-Lingz fatamerkið hefur verið áberandi.
Solskjær er hræddur um að Rashford vilji fara sömu leið og ákvað að ræða við þá félaga, hann vill að einbeiting þeirra sé á afrekunum innan vallar.
Samfélagsmiðlar og frægð leikmanna hafa breytt því hvernig margir knattspyrnumenn hugsa.
