Dr. Football, hlaðvarpsþátturinn, sem segist fara í tæklingar sem aðrir þora ekki að fara í, ræddu Daða Frey Arnarsson markvörð FH í þætti dagsins. Daði hefur staðið vaktina í marki FH, síðustu vikur.
Daði hefur vakið athygli í sumar eftir að hann kom inn í markið, hann hefur staðið sig með ágætum. Daði var hins vegar í veseni gegn Breiðablik, í tapi í gær.
,,Það er búið að hrósa þessum Daða alveg endalaust, það er ekki nóg að vera ungur. Þú þarft að geta eitthvað, hann getur ekki neitt,“ sagði Kristján Óli Sigurðsson, sérfræðingur þáttarins um Daða.
,,Það eru tvö mörk inn í markteig, það koma lágar fyrirgafir inn í markteig. Höskuldur skallar hann hálfan meter frá grasinu. Hvar er hann þá? Hvergi.“
Mikael Nikulásson, tók undir þetta. ,,Það má alveg gagnrýna markvörð FH þó hann sé ungur, hann hefur ekki fengið neina í sumar. Af því að hann er svo ungur, mér fannst hann mjög óöruggur í gær.“
