Jóhann Ingi Hafþórsson, blaðamaður Morgunblaðsins stingur niður penna og skrifar áhugaverðan pistil í blað dagsins. Þar fer hann yfir afrek landsbyggðarinnar í fótbolta.

Jóhann segist hafa verið með ákveðna fordóma gagnvart landsbyggðinni þegar hann ólst upp

,,Ég hef ávallt verið mjög mikið borg­ar­barn. Ég hef alla tíð búið í Reykja­vík og ég get talið á fingr­um annarr­ar hand­ar hversu oft ég fór út úr bæn­um á fyrstu 20 árum lífs míns,“ skrifar Jóhann í Morgunblaðið.

,,Þegar ég var tán­ing­ur fannst mér „sveit­in“ kjána­leg. Með ár­un­um hef ég kom­ist að því að það var ég sem var kjána­leg­ur. Ég dá­ist m.a. að íþrótta­fé­lög­um frá litl­um bæj­ar­fé­lög­um sem eru að gera vel.“

Hann segir það magnað að sjá lið á landsbyggðinni ná árangri i íþróttum. ,,Að sjá Sel­foss verða Íslands­meist­ara í hand­bolta í karla­flokki og svo bikar­meist­ara í fót­bolta í kvenna­flokki nokkr­um mánuðum síðar þykir mér magnað.“

,,Talandi um magnað. Magnaðir Magna­menn frá Greni­vík eru komn­ir úr fallsæti í In­kasso-deild­inni í fót­bolta. Það búa rétt rúm­lega 300 manns á Greni­vík, eða svipað marg­ir og í blokk­inni minni í Breiðholti. Það yrði ótrú­legt af­rek ef liðið næði að halda sér uppi annað árið í röð.“

,,Það yrði enn ótrú­legra ef Leikn­ir frá Fá­skrúðsfirði færi upp úr 2. deild og upp í In­kasso-deild­ina. Á meðan hin fé­lög­in á Aust­ur­landi hafa sam­ein­ast á síðustu árum, hef­ur Leikn­ir haldið sínu striki, þrátt fyr­ir aðeins um 700 íbúa í bæn­um. Ekki má gleyma Ólafs­vík, sem hef­ur átt fé­lag í efstu deild karla í fót­bolta á síðustu árum, þrátt fyr­ir aðeins rúm­lega 1.000 íbúa.“

Jóhann fór svo að leika sér að tölum til að benda á þann góða árangur sem næst oftar en ekki á landsbyggðinni.

,,Á Greni­vík og Fá­skrúðsfirði búa sam­an­lagt rétt rúm­lega 1000 manns. Til að setja þetta í sam­hengi þá búa tæp­lega 7.500 manns á Akra­nesi og um 16.000 manns í Reykja­nes­bæ. Von­andi held­ur þessi skemmti­lega þróun áfram. Áfram lands­byggðin.“