fbpx
Föstudagur 24.maí 2019
433Sport

Víðir les yfir íþróttafélögum og samböndum: ,,Þarna mega margir taka sér tak“

Ritstjórn DV
Fimmtudaginn 14. mars 2019 08:49

Ekki missa af Helstu tíðindum dagsins í pósthólfið þitt

Lesa nánar

Víðir Sigurðsson, blaðamaður á Morgunblaðinu sendir pillu á íþróttafélög og sambönd í blaði dagsins.

Víðir skrifar þar Bakvörð um það hversu margar heimasíður félaga og sambanda eru í dag slakar. Þetta hefur breyst frá því sem áður var, þá voru heimasíður félaga með allar upplýsingar um komandi viðburði og fleira tengt.

Í dag hefur þetta færst yfir á samfélagsmiðla en Víðir segir það bagalegt.

,,Íslensk íþróttafélög og íþróttasambönd hafa nýtt sér samfélagsmiðlana í sívaxandi mæli á undanförnum árum eins og önnur félagasamtök og einstaklingar. Með því hafa þau fylgt eftir þróuninni í samfélaginu, haldið tengslum við sitt félagsfólk og mörg hver gera þetta virkilega vel,“ skrifar Víðir í Morgunblaðið.

,,En það er orðið áberandi að heimasíður félaga og íþróttasambanda á veraldarvefnum hafa liðið fyrir þessa þróun. Margar íslenskar heimasíður eru orðnar ansi lélegar, á sumum er ekkert fréttastreymi, viðburðir illa uppfærðir eða alls ekki og víða er ekkert lengur að marka upplýsingar um þjálfara, tengiliði eða stjórnarfólk.“

,,Ég verð ekki var við að það sama sé uppi á teningunum erlendis. Þvert á móti sýnist mér að heimasíður tengdar íþróttum séu stöðugt að verða betri, allavega í þeim hluta heimsins sem við fylgjumst best með.“

Víðir kveðst hafa spurt fyrir hvers vegna þessi þróun sé að eiga sér stað.

,,Ef maður spyr hverju það sæti að ekki hafi verið sagt frá eða tilkynnt um stóra viðburði er svarið oft á þá leið að þeirra hafi verið getið á Facebook-síðunni. Þetta er slæm þróun frá mínum sjónarhóli. Facebooksíða, hversu vel sem hún er uppfærð, hefur ákveðnar takmarkanir og getur aldrei komið í stað heimasíðu hvað varðar utanumhald um allar þær upplýsingar og þjónustu sem íþróttafélagið eða íþróttasambandið veitir félagsmönnum sínum, fjölmiðlum og almennu áhugafólki.“

,,Stundum hefur þetta leitt til þess að við sem vinnum á fjölmiðlunum vitum ekki af íþróttaviðburðum fyrr en eftir að þeir fóru fram, eða fréttum af þeim með of skömmum fyrirvara. Þarna mega margir taka sér tak.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 17 klukkutímum

Sjáðu reiðiskast stjörnu Chelsea: Reifst við leikmenn og þjálfara

Sjáðu reiðiskast stjörnu Chelsea: Reifst við leikmenn og þjálfara
433Sport
Fyrir 18 klukkutímum

Einkaþjálfarinn mun fylgja honum út um allt: Fær ekki að mæta aftur í yfirþyngd

Einkaþjálfarinn mun fylgja honum út um allt: Fær ekki að mæta aftur í yfirþyngd
433Sport
Fyrir 2 dögum

Innkaupalisti Ferguson frá tíma hans hjá United lak út – Áhugaverð nöfn

Innkaupalisti Ferguson frá tíma hans hjá United lak út – Áhugaverð nöfn
433Sport
Fyrir 2 dögum

Maradona handtekinn: Fyrrverandi segir hann skulda sér hundruð milljóna

Maradona handtekinn: Fyrrverandi segir hann skulda sér hundruð milljóna