Það er búið að taka fyrirliðabandið af Granit Xhaka, leikmanni Arsenal, en þetta var staðfest í kvöld.
Xhaka sagði stuðningsmönnum að fara til fjandans um þar síðustu helgi í 2-2 jafntefli við Crystal Palace.
Baulað var á Xhaka er hann tók sinn tíma að labba af velli og svaraði hann fyrir sig fullum hálsi.
Sú framkoma er talin vera til skammar en þannig á fyrirliði ekki að haga sér og reif hann sig einnig úr treyjunni.
Unai Emery, stjóri Arsenal, staðfesti það í kvöld að Xhaka væri ekki lengur fyrirliði liðsins. Pierre-Emerick Aubameyang tekur við bandinu.
