Zlatan Ibrahimovic skoðar þann möguleika að snúa aftur til Milan og spila fyrir AC Milan. Hann er án félags eftir að samningur hans við LA Galaxy rann út.
Zlatan hefur spilað fyrir Juventus, Inter Milan og AC Milan á Ítalíu. Þar líður honum og fjölskyldu hans vel.
Zlatan hefur átt magnaðan feril sem leikmaður en þessi 38 ára gamli framherji vill halda áfram á meðal þeirra bestu.
Zlatan hefur leikið á Englandi, Spáni og í Frakklandi en Ítalía virðist ætla að verða fyrir valinu. Zlatan og umboðsmaður hans Mino Raiola, eru sagðir hafa fundað með Milan.
Milan þarf að losa nokkra leikmenn til að hafa efni á lauum Zlatan sem vill fá hressilega borgað til að snúa aftur á San Siro.
