Atli Sveinn Þórarinsson hefur verið ráðinn þjálfari Fylkis. Skrifað var undir samning þess efnis á fréttamannafundi í dag.
Ólafur Stígsson mun stýra liðinu með Atla. Ólafur Ingi Skúlason verður aðstoðarmaður Atla og Ólafs í Árbænum.
Ólafur Ingi mun halda áfram að spila en hann hefur verið að mennta sig í þjálfarafræðunum og hefur áhuga á að feta þá braut, þegar skórnir fara á hilluna.
Helgi Sigurðsson fékk ekki nýjan samning í Árbænum en félagið kannaði kosti sína að móti loknu. Á endanum var það Atli Sveinn sem fékk starfið.
Atli Sveinn átti farsælan feril sem leikmaður en hann var yfirþjálfari yngri flokka Stjörnunnar, áður hafði hann þjálfað Dalvík/Reyni. Ólafur Stígsson var aðstoðarmaður Helga.
Fylkir er að fara inn í sitt þriðja tímabil í röð í efstu deild en fróðlegt verður að sjá hvernig Atla Sveini farnast í starfi.
