Enska landsliðið spilar gegn Búlgaríu þessa stundina en um er að ræða leik í undankeppni EM.
England er að valta yfir lið Búlgaríu en staðan er 0-3 þegar fyrri hálfleik fer senn að ljúka.
Eins og óttast var fyrir leikinn þá urðu leikmenn enska liðsins fyrir kynþáttafordómum úr stúkunni.
Tyrone Mings er einn af þeim sem varð fyrir áreitinu og lét landsliðsþjálfarann Gareth Southgate vita af því.
Southgate hefur rætt við starfsmenn UEFA og er möguleiki á að leiknum verði aflýst ef þetta heldur áfram.
Leikurinn var stöðvaður í fyrri hálfleik vegna rasisma en hann var svo flautaður af stað á ný.
Game paused due to racism. Fans being warned in Sofia that the game could be cancelled if it continues
— Simon Peach (@SimonPeach) 14 October 2019
