Birkir Bjarnason var á sínum stað hjá íslenska landsliðinu í kvöld er liðið mætti Tyrkjum í undankeppni EM.

Birkir spilaði allan leikinn fyrir Ísland sem fagnaði að lokum 2-1 sigri á Laugardalsvelli.

,,Ég fékk svolítið í hnéð gegn Albönum og var tæpur en það er frábært að geta verið klár,“ sagði Birkir.

,,Við erum yfirleitt allir mjög góðir gegn Tyrkjum og við vorum það aftur í dag. Það er magnað að ná sex stigum í þessum tveimur leikjum.“

,,Það eru mjög margir sem voru að reyna að afskrifa okkur og við vildum bara sýna að við erum ennþá hérna og við erum með rosalegan metnað. Við sýndum það.“

Nánar er rætt við Birki hér.