Hlaðvarpsþátturinn, 90 mínútur heldur áfram á fullu fjöri en um er að ræða þátt sem Hörður Snævar Jónsson, ritstjóri 433.is stýrir.

Þátturinn hefur notið mikilla vinsælda en afar áhugaverðir gestir hafa komið í þáttinn.

Gestur þáttarins að þessu sinni er Kolbeinn Sigþórsson sem er einn allra besti knattspyrnumaður sem Ísland hefur átt, þá sérstaklega þegar hann hefur klæðst treyju landsliðsins.

Kolbeinn lék með AZ Alkmaar í Hollandi frá 2010 til 2011 en hann kom til félagsins frá HK sem unglingur.

Aðeins ári seinna var Kolbeinn svo farinn til stórliðs Ajax og samdi svo síðar við Nantes í Frakklandi.

Hjá AZ þá vann Kolbeinn með hinum litríka Louis van Gaal sem flestir knattspyrnuaðdáendur kannast við.

Van Gaal var síðast við stjórnvölin hjá Manchester United en hann gerði það fyrst gott í heimalandinu.

,,Það er þvílíkur agi í honum. Ef þú gerir mistök á æfingum þá stoppar hann æfinguna og öskrar á þig. Menn þurfa að vera sharp,“ sagði Kolbeinn.

,,Sérstaklega þegar ég kom þangað, frá því að hafa verið að æfa með HK, með fullri virðingu fyrir þeim og fara svo á æfingu hjá Louis van Gaal í þvílíkt tempó í Meistaradeild. Það tók mig tíma að venjast því.“

,,Ég fékk helling af drulli yfir mig frá honum. Það var bara gott spark í rassgatið, það tók mig tíma að venjast boltanum í Hollandi.“

,,Eftir 3-4 mánuði þá er ég að æfa á miklu hærra leveli og byrja að fá svona lítil meiðsli sem verða svo stór á endanum. Ég held að ég hafi farið í pínu ofþjálfun. Ég var ekki klár að taka þetta skref, æfingalega séð.“