Peter Crouch, fyrrum leikmaður Liverpool, eignaðist son á dögunum ásamt eiginkonu sinni Abbey Clancy.
Crouch er leikmaður sem allir ættu að kannast við en hann var lengi landsliðsmaður Englands.
Crouch er 38 ára gamall í dag og kominn á seinni árin í boltanum en hann er samningsbundinn Burnley.
Crouch sá Liverpool vinna Meistaradeildina á laugardag er liðið vann 2-0 sigur á Tottenham, liði sem Crouch lék einnig með.
Divock Origi skoraði annað mark Liverpool í leiknum en hann skoraði nokkur mikilvæg mörk undir lok tímabilsins.
Því miður fyrir Crouch þá neitar eiginkona hans að skíra barnið Divock Samrat Crouch, í höfuðið á Divock Origi.
Our boy is beautiful the name is still to be clarified unfortunately Abs not going for Divock Samrat
— Peter Crouch (@petercrouch) 4 June 2019
