Línur eru farnar að taka á sig mynd í Pepsi Max-deild karla, þegar rúmlega 25 prósent af mótinu eru á enda. Þétt er spilað í upphafi móts og eru sex umferðir af 22 á enda. Skagamenn sitja á toppnum með 16 stig.

Stjarnan hefur ollið vonbrigðum og er með 8 stig, sömu sögu má segja um Íslandsmeistara Vals sem hafa aðeins fjögur stig. Í Dr. Football, hlaðvarpsþætti Hjörvars Hafliðasonar var því velt upp hvort Stjarnan eða Valur gætu skipt um þjálfara.

,,Gætum við séð þjálfaraskipti um mitt sumar hjá Stjörnunni?,“ sagði Hjörvar Hafliðason um málefni Stjörnunnar.

Stjarnan og Valur mætast í Pepsi Max-deildinni á sunnudag. Mikael Nikulásson, sérfræðingur þáttarins, varpaði fram sprengju.

,,Ég held það, ég ætla að henda sprengju inn í þetta. Það er Stjarnan – Valur á sunnudaginn, liðið sem tapar þeim leik verður komið með nýjan þjálfara eftir landsleikjafríið,“ sagði Mikael en landsleikjafríið hefst á mánudag.

Rúnar Páll Sigmundsson hefur unnið frábær starf með Stjörnuna og Ólafur Jóhannesson sömuleiðis með Val. Mikael nefndi að líklegra væri að þeir myndu bara hætta sjálfviljugir, frekar en að þeir yrðu reknir.

Stjarnan hefur unnið tvo leiki í sumar en leikur liðsins hefur ekki verið sannfærandi.

,,Þeir eru búnir að grísa stig á móti slökustu liðum deildarinnar, þeir hafa náð þem gegn HK og Víking. Það var hvorugt sanngjarnt,“ sagði Mikael