Það ættu flestir að kannast við nafnið Joao Felix í dag en hann er 19 ára gamall leikmaður Benfica.

Um er að ræða undrabarn sem fékk sitt fyrsta landsliðskall á dögunum og æfði með aðalliði Portúgals.

Þar fékk Felix að æfa með Cristiano Ronaldo, stórstjörnu Juventus. Tilfinningin sem fylgdi því að sjá Ronaldo í fyrsta sinn var mjög furðuleg að sögn Felix.

,,Þetta var skrítið. Ég hafði aldrei séð Ronaldo áður og ég sagði við vini mína þegar ég kom heima að það hafi verið eins og ég væri í PlayStation. Hann leit út fyrir að vera karakter í tölvuleik,“ sagði Felix.

,,Þetta var mjög furðulegt en á sama tíma draumur að rætast, að vera í sömu æfingabúðum og hann. Ég man ekki hvað hann sagði við mig en þetta var mjög skemmtilegt.„