Það eru margir sem muna eftir danska miðjumanninum Thomas Gravesen sem var ansi umdeildur karakter.

Gravesen er þekktastur fyrir tíma sinn hjá Everton en hann lék með félaginu frá 2000 til 2005.

Hann fékk svo ansi sérstakt tækifæri er Real Madrid ákvað að semja við danska landsliðsmanninn árið 2005.

Þar stoppaði Gravesen í aðeins eitt ár áður en hann endaði ferilinn hjá Celtic í Skotlandi.

Gravesen var þekktastur fyrir það að vera mjög skapstór og í raun algjör brjálæðingur á velli og á æfingasvæðinu.

Julio Baptista lék með Gravesen hjá Real en sá fyrrnefndi ákvað á dögunum að leggja skóna á hilluna eftir farsælan feril.

Það er áhugavert að rifja upp það sem Baptista hafði að segja um Gravesen sem lenti í rifrildi við undrabarnið Robinho á sínum tíma.

,,Þetta var fyndið. Ímyndið ykkur Gravesen sem var nokkuð klikkaður, hlaupandi að Robinho og gaf um leið frá sér reiðishljóð,“ sagði Baptista.

,,Hann sparkaði í hann og sparkaði svo aftur í hann. Robinho stoppaði, horfði á hann og ýtti í bringuna á honum. Svo varð allt vitlaust, Gravesen vildi drepa hann.“

,,Við náðum að skilja þá að en Robinho hélt aftur til búningsklefa. Gravesen horfði á mig og sagði: ‘Ég ætla að drepa hann.’