Matthijs de Ligt, varnarmaður Ajax er að velta því fyrir sér hvert hann á að fara í sumar. Ljóst er að þessi 19 ára miðvörður fer í sumar.
Barcelona ætlar að reyna að fá hann en De Ligt fær boð um betri laun frá Englandi.
Mirror segir að United sé tilbúið að borga De Ligt 236 þúsund pund á viku, það er talsvert meira en hjá Barcelona.
De Ligt skoðar nú möguleikana en Liverpool hefur einnig áhuga, það gæti heillað De Ligt að spila með Virgi Van Dijk en það gera þeir í hollenska landsliðinu.
Það heillar De Ligt að fara til Barcelona þar sem Frenkie de Jong, hans besti vinur hjá Ajax hefur samið við félagið.
