Elías Már Ómarsson var í dag valinn leikmaður mánaðarins í hollensku úrvalsdeildinni.

Elías hefur verið magnaður fyrir lið Excelsior undanfarið og reyndist mikilvægur í fallbaráttunni.

Excelsior er þó á leið í umspilsleik um að halda sæti sínu í efstu deild eftir ansi brösugt gengi.

Elías var valinn besti leikmaðurinn í maí og kemst í hóp með frábærum leikmönnum.

Leikmenn á borð við Robin van Persie, Hakim Ziyech, Nicolas Tiagliafico, Frenkie de Jong, Dusan Tadic og Martin Odegaard hafa unnið verðlaunin í vetur.

Elías á svo sannarlega framtíðina fyrir sér og fer líklega í sumar ef Excelsior fellur.