Emma Hayes, þjálfari kvennaliðs Chelsea er eitt af þeim nöfnum sem eru til umræðu, þegar næsti þjálfari Chelsea er til umræðu.
Líkur eru á að Maurizio Sarri verði rekinn frá Chelsea eftir tímabilið, þrátt fyrir ágætis árangur er ekki mikil ánægja með störf hans.
Aldrei hefur kona þjálfað í efstu deildum Englands, það eru hins vegar flestir á því að það gerist innan tíðar.
Hayes hefur náð frábærum árangri með kvennalið Chelsea og er sökum þess nefnd til sögunnar.
,,Hún mun líklega fá viðtal, ég yrði samt hissa ef hún fengi starfið núna,“ sagði Rob Draper, blaðamaður Daily Mail.
,,Ég yrði hissa ef hún fengi starið í sumar, ekki vegna þess að hún hefur ekki hæfileikana. Það mun bara líklega taka lengri tíma þangað til kona fær svona starf.“
