Kylian Mbappe hefur áhuga á því að fara frá PSG í sumar ef Real Madrid kemur með gott tilboð.

Mbappe segist vera spenntur fyrir því að taka að sér nýtt verkefni, þessi 20 ára gamli sóknarmaður elskar Real Madrid.

Mbappe var að klára sitt annað tímabil með PSG en hann var besti leikmaður deildarinnar er PSG vann deildina, í ár.

,,Þetta er mikilvægt augnablik fyrir mig, ég er að komast á nýjan stað á ferlinum,“ sagði Mbappe.

,,Ég hef komist að ýmsu og kannski er augnablikið núna, að ég taki meiri ábyrgð. Ég gæti verið áfram hjá PSG, sem væri gaman eða tekið að mér nýtt verkefni.“