Gareth Bale, leikmaður Real Madrid á ekki neina framtíð hjá félaginu. Zinedine Zidane vill hann burt.
Bale er launahæsti leikmaður Real Madrid í dag, hann þénar 15 milljónir punda á ári, 2,3 milljarða íslenskra króna.
Bale vill hins vegar ekki fara, stór ástæða þess er að ekkert annað félag ku geta borgað þessi laun.
Bale ætlar ekki að fara nema að hann haldi sömu launum, líklegast er að Real Madrid þurfi að borga stóran hluta þeirra.
,,Ég er með þrjú ár eftir af samningi mínum, ef félagið vill að ég fari þá þurfa þeir að borga mér 15 milljónir pudna á ári“ hafa spænskir fjölmiðlar eftir Bale, hann á að hafa tjáð liðsfélögum sínum þetta.
Bale elskar að spila golf en Zidane hefur hótað því að Bale muni ekki æfa með aðalliðinu. ,,Ef Real Madrid gerir það ekki, þá verð ég bara áfram og spila golf. Það mun ég gera.“
Bale lék áður með Tottenham en hann er orðaður við Manchester United, þessa dagana.
