Lee Bowyer, stjóri Charlton Athletic, sá sína menn vinna dramatískan sigur á Doncaster á dögunum.

Bowyer og félagar unnu Doncaster í undanúrslitum í umspili um laust sæti í ensku Championship-deildinni.

Þeir þurftu þó heldur betur að hafa fyrir sigrinum en Charlton vann að lokum í vítakeppni.

Eftir leikinn þá ákvað Bowyer að labba inn í búningsklefa Doncaster og ræddi við leikmenn.

Í stað þess að fagna almennilega að vera kominn í úrslitaleikinn vildi Bowyer ræða við tapliðið.

Greint er frá því að Bowyer hafi farið með stutta og fallega ræðu þar sem hann óskaði þeim til hamingju með spilamennskuna.

Hann sagði leikmönnum að vera stoltir af því sem þeir hefðu afrekað og bannaði þeim að horfa til baka.