Stuðningsmenn Roma á Ítalíu eru bálreiðir þessa stundina eftir ákvörðun félagsins.

Roma hefur ákveðið að losa sig við fyrirliðann Daniele De Rossi í sumar en hann hefur allan sinn feril leikið með liðinu.

Stuðningsmennirnir þola ekki þá sem eru við stjórnvölin og þá sérstaklega Bandaríkjamannninn James Pallota sem er forseti félagsins.

Mótmæli eiga sér nú stað um allan heim og voru myndir birtar frá London, New York og Sidney í Ástralíu.

Stjórn félagsins er ásökuð um að sýna De Rossi og stuðningsmönnum litla sem enga virðingu.

,,Roma er í eigu okkar,“ segja stuðningsmenn á meðal annars og mótmæla þessari ákvörðun harkalega.

Einn borðinn var stimplaður á Pallotta og mátti þar lesa: ,,Þú ert helvítis fífl, láttu okkur og okkar félag vera.“

Í gær þá tóku 600 stuðningsmenn sig saman í Róm og mótmæltu fyrir utan skrifstofur félagsins.