Barcelona er í frábærri stöðu í Meistaradeild Evrópu eftir leik gegn Liverpool á Nou Camp í gær.
Um var að ræða fyrri leik liðanna af tveimur í undanúrslitum keppninnar en seinni viðureignin fer fram í Liverpool. Fyrsta mark leiksins gerði Luis Suarez fyrir heimamenn gegn sínum fyrrum félögum í Liverpool. Suarez potaði boltanum í netið eftir fallega sendingu Jordi Alba.
Í seinni hálfleik var röðin komin að Lionel Messi sem bætti við tveimur mörkum fyrir þá röndóttu. Seinna mark Messi var eitt af mörkum ársins en hann sneri boltann stórkostlega í markmannshorn Alisson Becker beint úr aukaspyrnu. Liverpool fékk dauðafæri til að laga stöðuna stuttu eftir mark Messi en inn vildi boltinn ekki og lokastaðan 3-0 á Nou Camp.
Fyrsta mark Börsunga í leiknum var 500 mark félagsins í Meistaradeildinni, það skoraði Luis Suarez. Hann skoraði einn mark númer 400 hjá félaginu í þessari keppni, fyrir fjórum árum ´siðan.
GOLES “CENTENARIOS” DEL BARÇA EN CHAMPIONS LEAGUE:
100 Rivaldo (24.10.2000 al Leeds)
200 Gudjohnsen (31.10.2006 al Chelsea)
300 Messi (12.04.2011 al Shakhtar)
400 Luis Suárez (15.04.2015 al PSG)
500 Luis Suárez (01.05.2019 al Liverpool)— MisterChip (Alexis) (@2010MisterChip) May 1, 2019
Það var Rivaldo sem skoraði mark númer 100 en okkar maður, Eiður Smári Guðjohnsen skoraði mark númer 200. Það gerði hann gegn Chelsea, árið 2006.