Lið Ajax er komið í undanúrslit Meistaradeildar Evrópu eftir leik við ítalska stórliðið Juventus í kvöld.
Ajax vann magnaðan 2-1 sigur á heimavelli Juventus en fyrri leik liðanna lauk með 1-1 jafntefli í Hollandi.
Fyrir tveimur árum spilaði Ajax við Manchester United í úrslitum Evrópudeildarinnar og tapaði.
Liðið fékk þó mikið hrós enda fullt af gríðarlega ungum og efnilegum leikmönnum sem spiluðu.
Að liðið hafi komist í úrslit það árið var engin heppni en sjö af 11 leikmönnum sem spiluðu í kvöld voru hluti af hópnum sem tapaði gegn United.
Ajax hefur verið á gríðarlegri uppleið síðan þeir töpuðu úrslitaleiknum og hafa farið í aðra átt en United þrátt fyrir að hafa eytt mun minni upphæð.
Það er hægt að segja að tapið hafi aðeins styrkt þessa leikmenn Ajax og er félagið til alls líklegt í keppninni.
