Everton ætlar að losa sig við Sam Allardyce, stjóra liðsins í sumar en það er Mirror sem greinir frá þessu í kvöld.
Allardyce tók við liðinu af Ronald Koeman í haust og situr liðið í níunda sæti deildarinnar með 40 stig.
Eigandi liðsins, Farhad Moshiri vill fá yngri stjóra til þess að taka við liðinu og er Bill Kenwright, stjórnarformaður félagsins sammála eigandanum.
Paulo Fonseca, stjóri Shakhtar Donetsk þykir líklegur til þess að taka við liðinu en hann hefur náð góðum árangri með Shakhtar.
Fonseca er 45 ára gamall en hann tók við Shaktar árið 2016 en hann stýrði meðal annars Porto tímabilið 2013 til 2014.
