Theodór Elmar Bjarnason hefur yfirgefið lið Elazigspor í Tyrklandi en hann staðfesti þetta í gær.

Elmar hefur undanfarið ár leikið með Elazigspor en liðið spilar í næst efstu deild í Tyrklandi Miðjumaðurinn kom til félagsins frá AGF á síðasta ári en hann hafði leikið í Danmörku frá árinu 2012 með AGF og Randers.

Félagið hefur verið í vandræðum með að borga leikmönnum laun og er nú óvíst hvað tekur við.

„Ég loka eng­um dyr­um. Ég er kom­inn með 5-6 til­boð frá Tyrklandi núna og er að ræða við fé­lög­in um hversu mikið þau séu til­bú­in að borga fyr­ir fram, því ég vil ekki lenda í svona löguðu aft­ur. Það eru líka ein­hverj­ar þreif­ing­ar í gangi við fé­lög í Evr­ópu. Það eru þó allt aðrar fjár­hæðir í boði í Tyrklandi en maður gæti fengið ann­ars staðar í Evr­ópu, og það er eitt­hvað sem ég þarf að vega og meta,“ sagði Elm­ar við Morgunblaðið um málið.

Elmar ólst upp í KR og ef hann ákveður að snúa heim þá er bara eitt lið sem kemur til greina.

„Ég þekki fullt af fólki í KR og það væri sá kost­ur sem ég myndi velja ef ég kæmi heim.“