Arsene Wenger, fyrrum stjóri Arsenal, hefur fulla trú á að Thierry Henry geti náð árangri með Monaco en hann var ráðinn stjóri félagsins í dag.
Henry og Wenger þekkjast mjög vel og unnu ófáa titla saman í London á sínum tíma er Henry var leikmaður Arsenal.
Wenger segir þó að Henry þurfi einnig að vera heppinn ef allt á að ganga upp hjá félaginu.
,,Auðvitað er Thierry Henry frábær kostur,“ sagði Wenger við blaðamenn.
,,Hann er mjög gáfaður og skilur fótbolta ansi vel. Það er ástæðan fyrir því að ég tel að hann sé með allt sem til þarf eins og aðrir í sama flokki.“
,,,Þegar þú ert að byrja þá þarftu hins vegar smá heppni. Hann þarf gott viðhorf og þarf að fórna ýmsu. Þú þarft að fórna lífinu þínu.“