Wilfried Zaha, leikmaður Crystal Palace, er nú þegar orðinn besti leikmaður í sögu félagsins.

Þetta segir fyrrum framherji liðsins, Andy Johnson en Zaha er orðinn markahæsti leikmaður liðsins í efstu deild.

Zaha er besti leikmaður Palace en liðið hefur ekki sótt stig í efstu deild frá árinu 2016 ef hann spilar ekki.

,,Ég held það. Ég er svo ánægður með að hann hafi verið um kyrrt, ég hefði ekki viljað sjá hann fara,“ sagði Johnson aðspurður að því hvort Zaha væri sá besti í sögu félagsins.

,,Sérstaklega eftir að hann var í erfiðleikum hjá Manchester United og núna er hann kominn aftur og er upp á sitt besta, hann er fullur sjálfstrausts.“

,,Hann er ósnertanlegur þegar hann er að eiga sinn dag. Allir tala um Wilf en þið megið ekki gleyma hinum tíu því þetta myndi aldrei virka án þeirra.“