Frank Lampard, stjóri Derby á Englandi, hefur verið ákærður af enska knattspyrnusambandinu.
Þetta var staðfest í dag en Lampard er í veseni eftir hegðun sína um helgina.
Hann sá sína menn spila við Rotherham í Championship-deildinni en Derby tapaði leiknum, 1-0.
Lampard vildi meina að sínir menn hafi átt að fá vítaspyrnu í síðari hálfleik og öskraði á dómara leiksins Peter Bankes.
Hegðun Lampard var ekki í lagi og fékk hann í kjölfarið rautt spjald og var rekinn upp í stúku.
Hann gæti nú verið í meira veseni en knattspyrnusambandið ákærir hann fyrir óíþróttamannslega hegðun.
