Albert Guðmundsson var valinn maður leiksins í dag er lið AZ Alkmaar mætti Feyenoord í hollensku úrvalsdeildinni.
Albert skoraði sitt fyrsta mark fyrir AZ í dag en hann kom liðinu yfir snemma leiks eða á fimmtu mínútu.
Því miður dugði mark Alberts ekki til en Steven Berghuis jafnaði síðar fyrir Feyenoord og tryggði liðinu stig.
AZ situr í fjórða sæti deildarinnar eftir jafnteflið en liðið er með átta stig eftir fimm umferðir.
Á sama tíma lagði Jón Dagur Þorsteinsson upp mark fyrir lið Vendsyssel í Danmörku sem mætti Hobro.
Jón Dagur lagði upp eina mark Vendsyssel í fyrri hálfleik í 1-1 jafntefli og spilaði alls 83 mínútur í leiknum.
