Sam Allardyce, fyrrum stjóri Everton og enska landsliðsins, hefur gagnrýnt miðjumanninn Paul Pogba sem spilar með Manchester United.

Allardyce ræddi Pogba eftir 3-0 tap United gegn Tottenham á mánudag en Frakkinn var í erfiðleikum í þeim leik.

Allardyce segir að það sé hæpið að Pogba muni sýna stöðugleika hjá United og var þá ekki hrifinn af hans frammistöðu er Frakkland vann HM í sumar.

,,Stuðningsmenn Manchester United hafa beðið eftir að Pogba sýni stöðugleika í svo langan tíma,” sagði Allardyce.

,,Mun það einhvern tímann gerast núna? Hann er 25 ára gamall og er á toppi ferilsins.”

,,Þegar hann spilar vel þá spilar hann ótrúlega vel. Mörkin hans gegn Manchester City á síðustu leiktíð og frammistaðan þegar var fyrir aftan fremsta mann en við höfum ekki séð nóg.”

,,Allir tala um að hann hafi átt frábært HM fyrir Frakkland en ég sá það aldrei. Ég hlýt að þurfa láta athuga sjónina.”