Miðjumaðurinn Franco Vazquez á að baki tvo landsleiki fyrir Ítalíu en hann fékk tækifæri árið 2015.
Vazquez er uppalinn í Argentínu og hóf feril sinn þar en móðir hans er ítölsk og er hann því með ríkisborgararétt þar í landi.
Vazquez spilaði tvo leiki fyrir Ítalíu fyrir þemur árum en hann hefur nú ákveðið að reyna frekar fyrir sér með landsliði Argentínu.
Vazquez má velja að spila fyrir Argentínu þar sem báðir leikir hans með ítalska landsliðinu voru ekki keppnisleikir.
,,Fyrir nokkrum árum spilaði ég fyrir Ítalíu því móðir mín kemur þaðan en ég þakka Guði fyrir að hafa ekki spilað keppnisleik,“ sagði Vazquez.
,,Nú hef ég tækifæri til að láta drauminn rætast og klæðast treyju Argentínu. Mér hefur alltaf liðið eins og Argentínumanni.“
Þessi sóknarsinnaði miðjumaður lék með Palermo í fjögur ár en samdi við Sevilla árið 2016 og hefur spilað þar undanfarin tvö tímabil.
