Skoska stórliðið Celtic er úr leik í Meistaradeild Evrópu eftir viðureign við gríska félagið AEK Athens.

Fyrri leik liðanna lauk með 1-1 jafntefli í Skotlandi og voru þeir grísku því í ákjósanlegri stöðu fyrir síðari leikinn í kvöld.

AEK vann 2-1 sigur á heimavelli sínum í kvöld og eru Brendan Rodgers og félagar því úr leik í deild þeirra bestu.

Tveir Íslendingar eru einnig úr leik í Meistaradeildinni en Hannes Þór Halldórsson stóð í marki Quarabag gegn BATE í kvöld.

Leiknum lauk með 1-1 jafntefli í Hvíta-Rússlandi en BATE vann fyrri leik liðanna 1-0 og fer áfram samanlagt, 2-1.

Arnór Ingvi Traustason var þá ekki með Malmö í kvöld vegna meiðsla er liðið gerði markalaust jafntefli við MOL Vidi frá Ungverjalandi.

Fyrri leiknum lauk með 1-1 jafntefli í Svíþjóð og fer Vidi þvi áfram á útivallarmörkum.