Markvörðurinn Adarbar Melo dos Santos Neto eða Santos hefur verið dæmdur í leikbann eftir stórfurðulegt atvik sem kom upp í síðasta mánuði.
Santos spilaði með Atletico Paranaense í efstu deild í Brasilíu er liðið mætti Atletico Mineiro.
Santos ákvað að fara í samstarf við leigubílafyrirtækið Uber fyrir leikinn en fyrirtækið vildi fá markvörðinn til að hjálpa við að taka upp auglýsingu.
Uber bað Santos um að hringja símtal í miðjum leik en brasilíska knattspyrnusambandið hefur nú refsað honum fyrir þessa markaðssetningu.
Santos hefur verið dæmdur í eins leiks bann og var félag hans, Atletico Paranaense sektað um 10 þúsund pund fyrir að hjálpa til.
Atletico vissi hvað Santos var með planað fyrir leikinn og gaf sínum manni grænt ljós á að taka upp símann er engin hætta var upp við mark liðsins.