Jóhann Berg Guðmundsson kantmaður Íslands verður í lykilhlutverki á HM í sumar en hann hefur eignað sér stöðu hægri kantmanns.

Jóhann fékk tíu daga frí eftir að tímabilinu í ensku úrvalsdeildinni lauk og fannst það mikilvægt.

,,Það var fínt að fá tíu daga í frí, hlaða batteríin þar. Það er mikil tilhlökkun í þessum hóp og mér að fara á HM,“ sagði Jóhann við 433.is í dag.

Markmið Íslands fyrir HM eru á hreinu, það er að komast upp úr riðlinum og sjá svo hver það tekur liðið

,,Við förum inn í þetta mót til að fara upp úr þessum riðli, við vitum að þetta yrði erfiður riðill. Við höfum staðið okkur vel síðustu ár og ætlum að gera það, ég tel okkur með fulla getu til að komast upp úr þessum riðli.“

Ekki eru allir komnir ti æfinga þessa dagana og því býst Jóhann við erfiðum æfingum.

,,Það verður meiri taktík þegar hópurinn kemur allur saman 30 en núna er þetta bara hlaup, puð og eitthvað rugl.“

Viðtalið er í heild hér að neðan.