Heiðar Ægisson, leikmaður Stjörnunnar, var ósáttur við vítaspyrnuna sem Valsmenn fengu í 2-2 jafntefli í kvöld.

Tobias Thomsen féll í teignum í fyrri hálfleik inni í vítateig Stjörnunnar og var vítaspyrna dæmd. Heiðar var ekki sáttur.

,,Hann dýfði sér klárlega. Þú sérð hvernig hann dettur. Þetta var dýfa, pjúra dýfa.“ sagði Heiðar í viðtali við fótbolta.net eftir leikinn.

,,Svo annað markið þá sagði Siggi mér að Haukur Páll hafi snert hann með hendinni og það var klárlega ekki mark. Ég veit ekki hvað er í gangi og hvað er á móti okkur.“

,,Þetta er allt að koma. Baráttan var góð og við vorum að ná fínum spilköflum, sérstaklega í seinni hálfleik.“