Pabbi hennar eyðir tæpum 180 þúsund krónum í merkjavörur í mánuði hverjum
Líklega eru margar dömur sem myndu vilja eiga fataskáp hinnar ellefu ára Lili-Rae. Unga daman mætir í skólann í Prada-skóm og með bækurnar í Longchamp-handtösku. Allir þessir hlutir eru gjafir frá föður hennar sem veit vart aura sinna tal. Hann starfar sem verðbréfasali og eyðir 1.000 pundum, eða sem nemur 177 þúsund krónum á mánuði í gjafir fyrir dóttur sína.
Faðir hennar, Bobbie, passar upp á að litlu stelpuna hans vanti ekki neitt og er hann ákveðinn í að hjálpa henni að ná sínu helsta markmiði, að verða fyrirsæta.
Fjölskyldan kom fram í sjónvarpsþætti á bresku stöðinni Channel 5 á dögunum. Þátturinn sem fjölskyldan kom fram í ber heitið „Ýtnustu foreldrar Bretlands.“
„Ég lít á hana sem fjárfestingu og það eina sem ég vil gefa henni er það besta,“ segir pabbinn í þættinum.
Venjulega segist hann eyða á milli sjö hundruð til eitt þúsund pundum á mánuði í dótturina. Uppáhalds hönnuðir hennar eru Ralph Lauren, Jiucy Couture og Chloe.
Að hennar sögn vill hún geta litið vel út, en hún á hátt í fjörutíu pör af íþróttaskóm.
Lili-Rae er eina dóttir Bobbie. Sjúpmóðir Lili-Rae, Leanne, segir hana vera minni útgáfu af föður sínum.
„Pabbi sagði að þegar ég yrði sextán ára, og ég mun getað spilað á hljóðfæri eða talað annað tungumál, myndi ég fá tíu þúsund pund og úr frá Rolex,“ segir Lili-Rae í þættinum.
Í samtali við Daily Mail segist Bobbie vilja hvetja dóttur sína til að læra fleiri tungumál og að spila á hljóðfæri til að víkka sjóndeildarhringinn.
„Allir setja sér markmið og ég vil gefa henni tækifæri og hvata til að ná markmiðunum. Ég vildi að ég hefði lært að spila á hljóðfæri eða lært önnur tungumál þegar ég var á hennar aldri,“ sagði Bobbie.
Enn fremur sagði Bobbie: „Ég vinn með fólki sem talar upp undir fimm tungumál. Það er frábært.“
Leanne, stjúpmóðirin, segir Bobbie ofdekra dóttur sína „á elskandi hátt.“ Hann segir það gleðja sig þegar hann gefi stelpunni sinni eitthvað sem hana langar í.
„Hann vill miklu frekar eyða peningunum í hana heldur en sjálfan sig,“ sagði Leanne.
Að eigin sögn segist hann fá mikið út úr því að eyða peningum í dótturina. „Margir vina minna eyða þúsundum punda í sportbíla eða flott úr,“ sagði hann.
