Menning

Verslunarmannahelgin: Hvað er í boði og hvar?

Tómas Valgeirsson
Föstudaginn 3. ágúst 2018 18:36

Um verslunarmannahelgina er sjaldan upplagt að gera ekki neitt, hvort sem þá sé um að ræða með vinafólki eða fjölskyldufólkinu. Hér má finna yfirlit af þeim brotum sem eru í boði og má því fullyrða að sé eitthvað í boði fyrir alla.

 

Þjóðhátíð í Eyjum

Hvar: Herjólfsdalur í Heimaey

Vinsælasta útihátíð helgarinnar enda eina hátíðin sem hefur þann sið að á hverju ári er samið sérstakt þemalag í tilefni hennar. Fastir liðir eins og brenna á Fjósakletti, flugeldasýning og brekkusöngur eru alltaf áreiðanlegir og er stemning bæði heimafólks og utanaðkomandi í mikilli sérstöðu.

 

Íslensku sumarleikarnir

Hvar: Akureyri

Und­an­fari sum­ar­leik­anna er fjöl­skyldu­hátíðin Ein með öllu en helsta breyt­ing­in á hátíðinni er sú að auk­in áhersla hefur verið lögð á viðburði tengda hreyf­ingu. Margt annað er í boði fyrir alla aldurshópa. Þar má nefna íþróttaviðburði, tívolí, hoppukastala og að sjálfsögðu tónleika. Ein með öllu fyrir norðan er ávísun á góðar stundir.

 

Mýrarboltinn 

Hvar: Bolungarvík

Mýrarboltinn á Bolungarvík var fyrst haldinn árið 2004 og hefur verið árlegur viðburður þar í bæ síðastliðin ár. Hin árlegu sveitaböll hátíðinnar mun ekki láta sig vanta þetta árið og mæta þeir Jói P og Króli til að stuða upp félagsheimilinu í Bolungarvík.

 

Neistaflug

Hvar: Neskaupstaður

Fjölskylduhátíðin Neistaflug hefur verið haldin árlega síðan 1993 í Neskaupstað. Það er tónlistarklúbburinn Brjánn sem sér um herlegheitin ár hvert og fylgir sífellt pökkuð dagskrá ár hvert sem ætti ekki að svíkja neinn sem sækir hátíðina.

 

Norðanpaunk

Hvar: Laugarbakka Vestur-Húnavatnssýslu

Hátíðin Norðanpaunk er haldin í fimmta sinn þetta árið og koma þar ýmsar hljómsveitir saman til að spila frumsamið efni af öllum gerðum. Sumar sveitanna spila synthapopp meðan aðrar leika svartmálm en pönkið má alltaf finna í anarkískum áherslum í skipulagi.

 

Unglingalandsmót UMFÍ

Hvar: Þorlákshöfn

Unglingalandsmót UMFÍ hafa verið haldin frá árinu 1992 og var hið fyrsta haldið á Dalvík. Mótin hafa vaxið ár hvert en þétt dagskrá er alla mótsdagana og skemmtun á kvöldin þar sem aragrúi af þekktu tónlistarfólki kemur fram. Boðið er upp á 22 keppnisgreinar fyrir 11–18 ára börn og ungmenni og er ekki skilyrði að vera í ungmenna- eða íþróttafélagi.

 

Síldarævintýri á Siglufirði

Hvar: Siglufjörður

Hátíðin er fyrir löngu búin að festa sig í sessi sem stórkostleg fjölskylduhátíð þar sem jafnt ungir sem aldnir og allir þar á milli skemmta sér og öðrum í frábæru umhverfi. Meðal þess sem Siglufjörður býður upp á eru frábærar gönguleiðir, stuttar og langar, t.d. Hvanneyrarskál, Skógræktin, Hólsdalur, Siglunes, Héðinsfjörður o.fl. Góður 9 holu golfvöllur er einnig á svæðinu ásamt sundlaug og líkamsræktarstöð að ógleymdu einu stórfenglegasta safni Evrópu, Síldarminjasafninu.

 

Sæludagar KFUK og KFUM

Hvar: Vatnaskógur

Skógarmenn KFUM ásamt KFUM og KFUK á Íslandi standa fyrir þessari vímulausu fjölskylduhátíð. Ár hvert er dagskrá hátíðarinnar í anda sumarbúðastarfs félaganna og höfðar til flestra aldurshópa.

 

Innipúkinn

Hvar: Miðbær Reykjavíkur

Aðaltónleikadagskráin fer að sjálfsögðu fram innandyra, að þessu sinni í Kvosinni á tónleikastöðunum Húrra og Gauknum. Þar verður boðið verður upp á fjölbreytta tónleikadagskrá föstudags-, laugardags- og sunnudagskvöld.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Menning
Fyrir 4 dögum

Sigga Eyrún og Bjarni taka ábreiðu af Golden Globe verðlaunalagi

Sigga Eyrún og Bjarni taka ábreiðu af Golden Globe verðlaunalagi
Menning
Fyrir 4 dögum

Ritdómur um „Hinir smánuðu og svívirtu“: Sálkönnuðurinn Dostojevskí

Ritdómur um „Hinir smánuðu og svívirtu“: Sálkönnuðurinn Dostojevskí
Menning
Fyrir 6 dögum

Hakakrossinn leyfður í Þýskalandi – Undantekning gerð vegna tölvuleikja

Hakakrossinn leyfður í Þýskalandi – Undantekning gerð vegna tölvuleikja
Menning
Fyrir 6 dögum

Íslensku listaverki stolið í Bandaríkjunum – Tökulið Tom Hanks yfirheyrt

Íslensku listaverki stolið í Bandaríkjunum – Tökulið Tom Hanks yfirheyrt
Menning
Fyrir 1 viku

Gakktu með á vit hinsegin bókmennta í miðborginni

Gakktu með á vit hinsegin bókmennta í miðborginni
Menning
Fyrir 1 viku

Alþjóðlegt orgelsumar Hallgrímskirkju – níunda vika að hefjast

Alþjóðlegt orgelsumar Hallgrímskirkju – níunda vika að hefjast