Margot Norton, sýningarstjóri hjá New Museum of Contemporary Art í New York, mun sýningarstýra Sequences VIII myndlistartvíæringnum sem fer fram í október 2017.

Norton hefur starfað hjá safninu frá 2011 og hefur á þeim tíma meðal annars unnið með Ragnari Kjartanssyni að sýningu hans í New Museum árið 2014, auk þess að vinna að einkasýningum Judith Bernstein, Tacitu Dean og Eriku Vogt.

Norton mun koma til landsins í nóvember á 10 ára afmælishátíð Sequences, kynna heiðurslistamenn og veita gestum innsýn inn í næstu hátíð.

Sequences-hátíðin, sem var haldin í fyrsta skipti árið 2006, er eina íslenska listahátíðin sem sérhæfir sig í myndlist, en áhersla er lögð á lifandi flutning og tímatengda list. Hátíðin er haldin annað hvert ár og fer nú fram í áttunda sinn. Þetta er annað skiptið sem erlendur sýningarstjóri er fenginn til að stýra hátíðinni, en í fyrra var það ítalinn Alfredo Cramerotti.