fbpx

Hunskastu á kjörstað

Ari Brynjólfsson
Sunnudaginn 20. maí 2018 09:00

Kosningaþátttaka er á stöðugri niðurleið og það er verulegt áhyggjuefni. Dvínandi áhugi fólks á stjórnmálum er alþjóðlegt fyrirbæri og Ísland stendur ekki illa í samanburði við önnur OECD-ríki, að minnsta kosti í þingkosningum þar sem kosningaþátttaka jókst í fyrra. Það er önnur saga með sveitarstjórnarkosningar þar sem þátttakan hefur alltaf verið í sögulegu lágmarki síðan 2002. Í síðustu sveitarstjórnarkosningum, 2014, var kosningaþátttakan í enn eitt skiptið í sögulegu lágmarki, eða 66,5% í þeim kjördæmum þar sem var ekki sjálfkjörið.

Það er næstyngsti aldurshópurinn sem dregur niður meðaltalið. Árið 2014 mættu aðeins 45% ungmenna á aldrinum 20 til 24 ára á kjörstað. Það þýðir einfaldlega að 55% þeirra sem eru fædd á árunum 1990 til 1994 hafði ekkert að segja hver er borgarstjóri, bæjarstjóri eða sveitarstjóri. Meira en helmingur þessa aldurshóps hafði engin áhrif á hvað það mörg leik- og grunnskólapláss eru í boði í sínu sveitarfélagi. Kosningaþátttakan var mest í aldurshópnum 70 til 74 ára, þar hafði meira en 80% áhrif á dagforeldrakerfið og rekstur almenningssamgangna.

Sveitarstjórnarmál eru ekki þau skemmtilegasta í heimi. Þegar upp er staðið eru þetta peningarnir þínir og það er þitt að velja hvaða mannverur eiga að vera þinn fulltrúi og ákveða hvernig stjórnkerfið í þínu nærumhverfi er rekið.

Það má ekki gerast að það verði enn eitt sögulegt lágmark í kosningaþátttöku og þá sérstaklega meðal ungs fólks. Það er engin afsökun í þetta skiptið, að minnsta kosti ekki í Reykjavík þar sem sextán framboð verða á kjörseðlinum. Þegar þú, kæri kjósandi, ert búinn að afskrifa nokkra af þessum flokkum sem rugl sem höfðar ekki til þín þá ertu samt með óteljandi möguleika. Það er vissulega best að skoða allt sem er í boði og taka upplýsta ákvörðun. Það er hins vegar ekki nauðsynlegt, enda hafa margir engan tíma í kosningapróf og er alveg slétt sama um þjónustu sem kemur þeim ekkert við.

Það er gott að verið sé að bregðast við dræmri kosningaþátttöku ungs fólks og erlendra ríkisborgara, þar sem kosningaþátttakan var sláandi léleg í síðustu sveitarstjórnarkosningum, með því að senda SMS og eitthvað þannig. En á endanum er það þitt að tryggja það að þátttakan sé góð með því að stilla vekjaraklukkuna á 26. maí og mæta á kjörstað. Þú hefur viku til að finna þér fulltrúann þinn, það er ekki víst að það takist. Þá er allt í lagi að taka bara kjörseðilinn og henda honum beint í kassann. Ekki láta lýðræðið drepast og leyfa einhverjum öðrum að ráða fyrir þig. Hunskastu bara á kjörstað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 klukkutímum

Hálendi Íslands eins og þú hefur aldrei séð það áður – Stórbrotið myndband Ólafs Más

Hálendi Íslands eins og þú hefur aldrei séð það áður – Stórbrotið myndband Ólafs Más
433
Fyrir 2 klukkutímum

„100 prósent líkur á að Arsenal endi í efstu fjórum“

„100 prósent líkur á að Arsenal endi í efstu fjórum“
Pressan
Fyrir 3 klukkutímum

Töldu að fyrirsætan hefði látist í bílslysi – Rannsókn leiddi annað í ljós

Töldu að fyrirsætan hefði látist í bílslysi – Rannsókn leiddi annað í ljós
Fókus
Fyrir 4 klukkutímum

Elsa hannar jólafrímerkin í ár – Gefa frá sér piparkökuilm

Elsa hannar jólafrímerkin í ár – Gefa frá sér piparkökuilm
Bleikt
Fyrir 4 klukkutímum

Þessir hlutir gengu upprunalega undir öðru nafni en við könnumst við

Þessir hlutir gengu upprunalega undir öðru nafni en við könnumst við
433
Fyrir 4 klukkutímum

Er glaður því Messi spilar ekki

Er glaður því Messi spilar ekki
Fókus
Fyrir 5 klukkutímum

Birkir Blær hlaut íslensku barnabókaverðlaunin fyrir Stormsker

Birkir Blær hlaut íslensku barnabókaverðlaunin fyrir Stormsker
Fréttir
Fyrir 5 klukkutímum

Húseigandi á Suðurnesjum kom að óboðnum gesti í stofunni

Húseigandi á Suðurnesjum kom að óboðnum gesti í stofunni