Viðar Enski selur varning með myndum af sjálfum sér: „Strax búinn að fá 400 skilaboð“

Viðar „Enski“ Skjóldal er með snapchatið enskiboltinn.
Viðar „Enski“ Skjóldal er með snapchatið enskiboltinn.

Snappkóngurinn Viðar „Enski“ Skjóldal er byrjaður að selja varning merktan sjálfum sér. Um er að ræða boli á bæði kyn, peysur, bolla og símahulstur merkt honum. Línan er hönnuð af Fannari P. Thomsen en allt er samþykkt af Viðari. „Fannar er svo góður á tölvu, ekki ég. Hann er að teikna og græja og gera þetta, en það er allt samþykkt af mér,“ segir Viðar í samtali við DV.

Viðar ætlar að láta 50 krónur af hverri vöru renna til Barnaspítala Hringsins. „Þetta er ekki í fyrsta sinn sem ég gef þeim pening. Einu sinni gaf ég þeim 50 þúsund og fékk skjal sem ég sýndi á snappinu mínu.“

Enski segir viðbrögðin framar vonum. „Ég er strax búinn að fá 400 skilaboð. Þetta er selt á netinu, með myndum af mér og frösum sem ég nota á snappinu.“ Þeir Viðar og Fannar ætla að halda áfram að hanna vörur. „Þá í kringum HM í Rússlandi næsta sumar, svo kannski eitthvað fyrir túrista. Þetta er framleitt í Bandaríkjunum og selt á netinu.“

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.